എന്റെ സഹജീവികള്‍.
ഇതില്‍ പറയുന്നവര്‍ എന്റെ കഥകളില്‍ പ്രത്യക്ഷപ്പെടുന്ന ചില താരങ്ങളാണ്. ഒന്നു പരിചയപ്പെടുത്താന്‍ വേണ്ടി ഒരു പ്രത്യേക സെക്ഷന്‍ വെച്ചു എന്നുമാത്രം.
ഞാന്‍ - ഞാനല്ലാതെ പിന്നാര്. എന്നാലും പറയാം. പേര് പ്രശാന്ത്. ഞാന്‍ പാലക്കാട്ട് വളര്‍ന്ന ഒരു പാവമാണ്. എഴുതി വലിയ ശീലമൊന്നുമില്ല, ജീവിതത്തില്‍ നടന്ന ചില സംഭവങ്ങള്‍ കുറച്ചു ഭാവന ചേര്‍ത്തെഴുതുന്നുവെന്നുമാത്രം. പാലക്കാട്ടെ 24 വര്‍ഷജീവിതത്തിനുശേഷം ബാംഗ്ലൂരില്‍ ഭാഗ്യം അന്വേഷിച്ചുനോക്കി. രണ്ടുകൊല്ലം ഇത്തിരിയിലധികം ബുദ്ധിമുട്ടിയതിനുശേഷം സോഫ്റ്റ്വെയറിലേക്ക് കയ്യും കാലും ഇട്ടു. പതിനൊന്നുകൊല്ലം ബാംഗ്ലൂരില്‍ ജീവിച്ചതിനുശേഷം ഇപ്പോള്‍ തിരുവനന്തപുരത്ത് ജീവിക്കുന്നു, നാടിനോടുള്ള സ്നേഹം കൊണ്ടുമാത്രം.
ദിലീപ് - എന്റെ ആത്മസുഹൃത്ത്. കയ്യില്‍ ദന്പിടി ഇല്ലാത്ത കാലത്ത് ഒരുപാട് സഹായിച്ചിട്ടുണ്ട്, സാന്പത്തികമായും മാനസികമായും. ഇപ്പോള്‍ കേരളത്തിലാണ് വാസം. ഞാനും ദിലീപും കൂടി നിന്നാല്‍ ലോറല്‍-ഹാര്‍ഡി കോന്പിനേഷന്‍ വരും, അത്രയ്ക്ക് തടിയുണ്ട് ദിലീപിന് (അപ്പോള്‍ എന്റെ കാര്യം പറയേണ്ടല്ലോ)
സജിയേട്ടന്‍ - എന്റെ ഒരു കസിന്‍ ആണ്. പക്ഷെ അത്രയും പോരാ സജിയേട്ടനെക്കുറിച്ച് പറയാന്‍. എന്റെ തത്വചിന്തകളില്‍ ഒരുപാട് സ്വാധീനം ചെലുത്തിയ ആളാണ് സജിയേട്ടന്‍. ബാംഗ്ലൂരിലെ ന്യൂറോ-മാനസിക ആരോഗ്യകേന്ദ്രമായ നിംഹാന്‍സില്‍ സൈക്കോളജിസ്റ്റ് ആണ്. മലയാളിക്ക് പരന്പരാഗതമായി കിട്ടിയിട്ടുള്ള "ജാഡയില്ലെങ്കില്‍ ഞാന്‍ പാടേയില്ല" എന്ന ഫിലോസഫി ജിവിതത്തില്‍ കുറച്ചൊക്കെ കൊണ്ടുനടക്കുന്നയാളാണ്. അത്യാവശ്യത്തിന് നിംഹാന്‍സ് ഐഡി കാര്‍ഡ് ഉപയോഗിക്കും, കുരുക്കുകളില്‍ നിന്ന് രക്ഷപ്പെടാന്‍.
ബാബുരാജ് - ഞങ്ങള്‍ അപ്പുവേട്ടന്‍ എന്ന്‍ വിളിക്കും. അമ്മയുടെ കസിന്‍ ആണ്. ഞങ്ങളുടെ ഒരു നല്ല സുഹൃത്തും ഗൈഡും ഒക്കെയാണ്.
0 പേര് എന്റെ മണ്ടത്തരത്തിന് ചുട്ട മറുപടി തന്നു:
Post a Comment